on holiday by mistake

24 januar, 2009

Monty Python tener fett på å vere gratis

Monty Python gjorde nyleg sitt omfattande arkiv tilgjengeleg på YouTube - gratis - fordi dei var lei av dei uendeleg mange dårlege piratklippa der ute. Samstundes som dei lanserte sin eigen kanal på YouTube, sende dei ut denne videoen:

No, nokre knappe månadar seinare, viser det seg at i kjøvatnet - og som direkte konsekvens - av dette vågale trekket, har salet av Monty Python-DVDar auka med 23000 %. Tjuetretusen prosent!

Dette er er stikk i strid med kva det vert hevda frå heksejegarane hjå dei store plate- og distribusjonsselskapa. Dei ynskjer avgrensa tilgjengeleg materiale så mykje som mogleg fordi det vil hindra piratvekrsemd, men så visar det seg altså at gruppa som kanskje er større enn Beatles blir enno rikare av å faktisk gje vekk materialet sitt.

Noko til ettertanke?

(via Slashfilm, Topless Robot)

Etiketter: Monty Pythonia, Popkult, TV-seriar, Vevfenomen, YouTuberi

22 januar, 2009

Fleire castingnyhende frå Doctor Who - Michelle Ryan bekrefta

Fleire kjelder melder i dag at ryktet om at Michelle Ryan skal stille som andrefiolinist i Doctor Who tilsynelatande var sant - men ikkje som Matt Smith sitt reisefølgje.

Det er lang tradisjon med fans som luskar på innspelinga av episodar av serien, og spesialepisoden som går på lufta no til påske er inga unntak. Den of Geek og Daily Mail melder båe om at "Bionic Woman" Michelle Ryan har vore observert på settet under innspelinga av det som blir den fyrste av i alt fire spesialepisodar før David Tennant leverer inn nålestripedressen, Converse-skoa, og nøklane til TARDIS. Det hevdast også at ho er i samtalar om å fortsetje i rolla på fast basis - vi reknar då med at det då er tale om den nye sesongen med Smith i 2010.

Som tidlegare rapportert, har Ryan jobba med showrunner Steven Moffat før, og det vert spennande å sjå korleis kjemi ho eventuelt vil ha med henhaldsvis David Tennant og Matt Smith. Serien har fleire gongar fått kritikk for å fokusere for mykje på emo mellom Doktoren og hans "crumpets" (spesielt Rose, spela av Billie Piper), om mange såg det meir platoniske forhaldet mellom han og Donna Noble (Catherine Tate) som forfriskande.

Vi nevner også at Lee Evans, frå mellom anna Det femte element, Alle elsker Mary og Vekk ikke musen som sover, samt uendelege britiske komiseriar) er bekrefta i ei gjesterolle i episoden til påske. Han har rolla som ein professor, og alle som har sett Evans sine ofte klossete karakterar veit kva vi har i vente.

(via Outpost Gallifrey, Daily Mail, Den of Geek)

Etiketter: Doctor Who, Ryktebørs, TV-seriar

03 januar, 2009

Mr Smith er den ellevte Doktoren!

Vart han casta grunna namnet - Matt Smith? John Smith er Doktoren sitt vanlege pseudonym når han må gje fullt namn, og det er eit namn som går att i Doctor Who, som Jones.

Matt Smith kom inn frå sidelinja i går, og fekk uhyre bra odds hjå bookmakerane på rekordtid - og jamen var han ikkje den utvelde.

26-åringen vert den yngste Doktoren nokon sinne, og fansen er usikre på korleis dei skal ta valet av skodespelar til den mest britiske av karakterar sidan Sherlock Holmes.

Ein er jamnt over einige om at han treng å få håret klippa, dog. Ingen vil ha ein EMO-doktor.

Sjå eit lengre intervju med Smith om rolla nedanfor - og merk hans små idiosynkronitetar. Piers Wenger, utøvande produsent for Doctor Who, har uttalt at Smith innehar kvalitetar som gjorde at dei med ein gong var sikre på at han var den nye Doktoren. Doktor-kvalitetar. Eg trur de skjønar kva han meiner når de ser klippet.

Meir om dette seinare, no skal eg sjå om att ein episode Firefly.

Etiketter: Doctor Who, TV-seriar

14 november, 2008

Klonane reddar æra

Kven hadde trudd det? Den nye Star Wars: Clone Wars tv-serien manar fram mykje av den same sjarmen og barnlege gleda som den originale trilogien gjorde. Utan Hayden Christensen sitt åleglatte og talentlause ytre (ei eingong stemme, men med stemma til Matt Lanter!) framstår Anakin som ein perfekt, trøblete helt med akkurat passe dose issues utan å bli EMO, og vissheita om at han ikkje blir Vader i løpet av denne serien gjer at vi kan kjøpe han som helt utan å vente på at han skal bli ond. James Arnold Taylor si stemme som Obi-Wan er ein ypperleg blanding av Ewan McGregor og Alec Guinness, og det er berre heilt fabelaktig å høyra Dee Bradley Baker som SAMTLEGE klonar (sjølvsagt). Sistnevnte er kanskje det kulaste ved heile serien, Star Wars sine nye badass chicks Assaj Ventress og råkule Ahsoka Tano inkludert. Klonane har verkeleg individuelle identitetar, sjølv om enkelte slit med det faktum at dei alle er "like" på bunnen. Eg kjenner at eg verkeleg diggar Commander Cody, sjølv om eg gav katten i han i makkverket som er Revenge of the Sith (som likevel er tolv parsec betre enn Attack of the Clones!), og Captain Rex er eit herleg tillegg til eit rollegalleri som faktisk kunne blitt noko monotont (i og med at 95 prosent av bakgrunnskarakterane er klonar eller battledroids).

Alt i alt er Clone Wars, etter sju episodar på Cartoon Network, eit gledeleg gjensyn med Star Wars-universet, etter at nettopp dette tok ein kraftig støyt av filmtrilogien som nesten tok livet av det for fans av dei originale filmane. Eg likte Genndy Tarkovsky sin teiknefilmserie frå 2003 ganske godt også (også på Cartoon Network), men episodane vart for korte og sporadiske til å engasjere - ikkje så med denne nye inkarnasjonen. Lucas har greid å fornya SW på ein måte som fungerer og engasjerer, og eg gledar meg til ein ny episode kvar veke. TV-formatet passar SW overraskande bra i denne drakta, og det er berre å glede seg til live-action serien som etter planen skal på lufta når Clone Wars sine 100 episodar er over.

Etiketter: Animasjon, Star Vås, TV-seriar

05 november, 2008

Doctor Who eller Doktor Ut?

Ja, det var mullaen att då, framleis på vegne av jbq som er ute og sprer glede på festival. Ei sak som satt seg fast i mytt romslege skjegg her forleden, var at den godaste David Tennant sluttar som Dr. Who.

Ja, eg er no ikkje særleg overraska. Det ligg litt i tida det der. På meir enn eit vis.

David Tennant tok over for Chris Eccleston som var mannen som fekk æra av å sparke liv i den evigvarande serien om Doktoren som vandrar i tid og rom og bekjemper alskens farar. Ja, jbq har vel snakka nok om dette til at eg ikkje treng å introdusere konseptet? No tok nyleg serien pause, og skal, forutan eit par filmar, ha pause fram til 2010, då David Tennant altså ikkje vender attende til rolla.

Då tidlegare doktorar gjerne hadde rolla over lengre tid, lev jo òg han no "i tida og forventar effektivitet", så at doktoren allereie no skal skiftast ut er inga bombe. Vi snakkar attention-span her folkens. Etter dagens fjernsynslogikk er to-tre år i ei rolle ei heil eve, og denslags kan øydeleggje ein karriere, såvel som serien. Så det var det, David Tennant er altså ut.

Spørsmålet om kven som skal ta over er allereie kasta ut til folket, og mange namn vert tatt opp i den samanheng. Eg vil difor, som den profeten eg er, kom med ein liten spådom.

Den neste Doktoren vil vere neger.

Kvifor? Det litt i tida vettu, kan ein neger vere amerikansk president, så kan ein neger vere Doktoren. Er ikkje det logisk då? Dessutan, som Obama har prova denne veka, så sel pigmentert hud ganske bra for tida. Du treng ikkje ein gong å ha eit bodskap om du har litt farge, og skinnande tenner.

Diverre trur eg det er for mykje å vone på at den neste Doktoren vert Denzel Washington - men eg er med på ei underskriftskampanje om du er.

Etiketter: Doctor Who, Popkult, TV-seriar

26 juli, 2008

David Warner, Doctor Who, Captain America - samanheng?

Medan eg ventar på at det skal bli jul slik at eg kan få min naudsynte dose Doctor Who, har eg nokre sakar å dele med dei som bryr seg om slikt.

Julespesialtrailer på Comic Con

Britiske Doctor Who-fans surmular til den store gullmedaljen etter at Doctor Who-panelet beståande av Grand Moff himself Steven Moffat, Julie Gardner, og John Barrowman (Captain Jack) hadde med seg traileren til årets julespesial til amerikanarane. Den er nemleg ikkje vist i Storbritannia, og for britiske Doctor Who-fans er dette sjølvsagt ei fornærming på linje med å dumpe te i Boston Harbour.

Den har sjølvsagt hamna på veven, og eg såg den sjølvsagt med det same (duh! som om det IKKJE står "Doctor Who Geek" i panna mi eller noko!). Ingen store overraskingar; Cybermen er attende, og historia seiast å vere inspirert av audioskodespelet "The One Doctor", der Doktoren oppdagar at ein sjarlatan nyt sosietetslivets godar ved å utgje seg for å vere vår alles favoritt-tidsherre, komplett med falske Cybermen som han slest mot. Men så dukkar ekte vare opp, og då er vi i gong. Traileren er i så dårleg kvalitet at eg ventar med å poste den til BBC lanserer den sjølve. Her er i staden teaseren som også var med i sesongavslutninga i Juli:

Captain Jack er... Captain America...?

Under spørsmål-og-svar-runden spurte ein fan John Barrowman om han kunne tenkt seg å spele Captain America i den komande storfilmsatsinga frå Marvel. Barrowman sin respons var noko... uventa (via ComingSoon.net):

He smiled and gave the stock answer that he’d love to play the character and that Captain America has always been his favorite comic book superhero. Clearly, though, the notion did not take him by surprise and he ended up admitting there had been discussions with his agents and meetings on that very issue.

Javel?? Det ville i såfall vere det einaste i verda som kunne få meg til å bli interessert i ein film om ein karakter som har null apell utanfor Statane. Captain Jack FTW!!

Nok SDCC for no, og over til noko heilt anna. Vel, ikkje heilt, det handlar framleis om Doctor Who...

David Warner er Doctor Who!

Dei aller fleste filmnerdar (og då meiner eg nerdar som likar film, altså) har eit relativt vått forhold til kultskodespelaren David Warner. Ein skodespelar med ein karisma berre eit fåtall erkebritiske skodespelarar, som mellom anna Ian McKellen, Brian Blessed, og Richard Harris, har (eller i tilfellet Harris, hadde, RIP). Det er noko med glimtet i auget, måten dei enunsierer ord på, haldninga - svært få har denne spesielle kvaliteten.

Det er kanskje difor Big Finish Productions, som i ei årrekkje har laga audioskodespel med alternative Doktorar frå Doctor Who, vel å produsere eit nytt kapittel om den alternative tredje (!) Doktoren, spela av nettopp Warner. Warner får følge av Nicholas Courtney som Brigadier Lethbridge-Stewart, ein av dei mest elska bikarakterane i serien, som var med med jamne mellomrom frå sekstitalet til åttitalet, og no gjer comeback i Doctor Who-spin-offen "Sarah Jane Adventures", samt den andre skodespelaren til å spele rolla som Daleks-skapar Davros, Terry Molloy, i "The Masters of War". The Master er merkeleg nok ikkje med, tittelen til trass.

Men eg bør leggje til at Warner ikkje er aleine som Doktoren i Big Finish sine nye skodespel. Samstundes med denne produksjonen produserer dei også eit eventyr med den alternative fjerde Doktoren, spela av Trevor Martin, som også spelte inkarnasjonen på scenen i 1974 i "The Seven Keys of Doomsday", og Colin Baker, den femte Doktoren, trer nok ein gong inn i TARDIS i "The Ultimate Adventure. Michael Praed trakterer ein ukjend inkarnasjon av tidsherren i "Curse of the Daleks". EXTERMINAAAATE!

Kvifor Big Finish sjonglerer så mange Doktorar på ein gong (det finst også laaaaaange seriar med den sjuande Doktoren, Sylvester McCoy, og den åttande Doktoren, Paul McGann, samt med Richard E. Grant som den alternative niande Doktoren, og den noverande tiande Doktoren David Tennant, og ei rekke andre - puuuuh!), er umogleg å skjønne. Likevel er det kjekt å sjå at mytoset bak Doctor Who framleis er så knusande populært at det er ein marknad for dette her.

Om berre NRK kunne få fingen ut og sende meir Doctor Who, helst rett etter Barne-TV på laurdagar, då serien er meint for å visast, og kan besudle unge sinn til ekstrem nerderi!

Og ja, eg er allereie utsulta etter sesongavslutninga for nokre veker sidan, og tykkjer det er veeeeeeeeeldig lenge til neste episode av Doctor Who, som kjem Fyrste juledag...

Etiketter: Doctor Who, Grand Moff TARDIS, Ryktebørs, Sniktitt, TV-seriar, Vås

21 juli, 2008

Grand Moff dumpar belgisk journalist for heit affære med ukjent doktor!

Mail on Sunday meldar at Steven Moffat har takka nei til ein halv million pund for å skriva manus til Tintin-film 2 og 3, fordi han skal ta over som showrunner for Doctor Who frå og med neste sesong.

Moffen sjølv dyssar det heile ned ved å forklare kvifor han berre skriv manus for Tintin 1, trass i å ha vorten headhunta av Spielberg og Jackson: Han hadde berre kontrakt på film ein og to, og då prosjektet vart utsett av manusforfattarstreiken i statane gjekk det utover Moffat sine nye plikter som showrunner for Doctor Who hjå BBC, og bad difor om å bli løyst frå kontrakten. Han kallar påstanden om ein halv million pund "entirely speculative and wildly inaccurate".

Kanskje ikkje den største nyhendeverdien å hente her, men moro lell, spesielt sidan dette vert slått enormt stort opp i England, der sesongavslutninga av Doctor Who hadde høgaste sjåartal i serien si 45-år lange historie, og slo dei aller fleste sjåarrekordar på britisk fjernsyn i 2008.

Moffat presiserer at Doctor Who var det einaste i verda som kunne ha fått han til å takka nei til å jobba vidare på JackSpiel-filmatiseringa av Tintin. Han seier at "[...]nothing less than Doctor Who could have torn [him] away" from Tintin. Han kallar Tintin eit "stunning project" som han er stolt over å ha vore involveret i, men "the proper duty of every British subject [is] to come to
the aid of the TARDIS".

Etiketter: Doctor Who, Grand Moff TARDIS, Ryktebørs, Teikneseriefilm, TV-seriar

20 mai, 2008

Meir OMFG! Moffat tek over Doctor Who!

Då er det offisielt, etter mange månadar med spekulering og rykter: Russel T. Davies, mannen som brakte "Doctor Who" attende frå sitt nesten 15-år lange hiatus (eller ni, om ein reknar med filmen) går av som showrunner neste sesong, og gjev fakkelen vidare til ingen ringare enn Steven Moffat.

Moffat har sidan serien gjenoppstod vore hylla som den beste Who-forfattaren, inkludert av Davies sjølv, som hevdar at han tuklar med alle manus han får inn, gjerne med fullstendige omskrivningar - unnteke Moffat sine manus. Og i sanning er Moffat-episodane fleire divisjonar over resten av Who-forfattarane, noko denne sesongen med sine merkeleg keisame episodar (men framleis moro) kan vitne om. Det er store forventingar til Moffat dobbelepisoden som kjem på BBC laurdag om to veker, og Moffat sin Doktor-episode frå førre sesong, "Blink", vann nett BAFTA (britisk Oscar) for beste TV-manus. To gongar! (Den eine ved BAFTA Cymru, den walisiske tevlinga). Det var berre å forvente; ein kunne ikkje svinge innom eit vev-forum eller ei kritikarside som tala om Doktoren, og ikkje få med seg at det var temmeleg unisont blant Doktor-sjåarar verda over at Moffat sine episodar var suverene, og nesten heva over kritikk. Utvilsamt har BBC kjend det på same måten.

Steven Moffat har ikkje berre tiltru frå BBC - han er også mannen Steven Spielberg og Peter Jackson har handplukka til å skrive manus til dei tre Tintin-filmane som er i produksjon - og det er ikkje akkurat å kimsa av.

Han har óg mange fans frå før "Doctor Who"; Her i Noreg gleda vi oss i fleire år over hans vidd med serien "Avisgjengen" etter Barne-tv.

Han er mannen bak verdas beste romantiske sit-com, "Coupling" (faktisk er det dein einaste gode romantiske sit-comen i verda, så det blir litt meiningslaust å kalle den verdas beste), som gjekk på TV2, samt den grufullt gode "oppfølgjaren" til Robert Louis

Stevenson sin Doctor Jekyll & Mr Hyde, "Jekyll", frå BBC i fjor. Moffat hevdar heile hans karriere har vore eit hemmeleg spel for å få denne jobben som showrunner for "Doctor Who", og at han har søkt før, men då hadde dei andre i tankane (det, og det faktum at han var sju år på tidspunktet).

Eg kan ikkje anna enn å anbefala alt mannen har rørt ved, det er reint gull. Gold, Jerry, gold! Frå eit forfattande standpunkt er Moffat det næraste eg kjem eit førebilete (min store, urealistiske draum er jo å skrive fjernsyn for BBC), og som den "Doctor Who"-fanen eg er, er dette definitivt kategorisert under OMFG (ny label herved oppretta), trass i at det nesten var venta.

(Og dei fleste har kanskje fått med seg at Miller ikkje kjem til å regissere Buck Rogers, men i sanning hadde eg berre leita etter ei orsaking til å skriva ein artikkel om Buck, så det er for såvidt greit. Dille hevdar Miller kjem til å påvirke den kreative prossessen uansett, i og med at dei er så nære vener.)

Etiketter: Doctor Who, Grand Moff TARDIS, OMFG, Popkult, TV-seriar

15 april, 2008

Kids in the Hall vender attende!

Ah, eg minnst med gledestårer i augene den gongen dette landet hadde kringkastingsmonopol, og almennopplysaren NRK vaktfullt passa på kva vi som mottakarar vart utsett for.

Ein av dei absolutt mest fabelaktige tinga NRK eksponerte oss for, var det kanadiske sketsjeshowet Kids in the Hall. De hugsar kanskje deira mest kjende, faste innslag, nemleg "hovudknusaren":

Kids in the Hall er eit av dei programma som er så legendariske at alle som såg det elskar det hemningslaust, og dei som ikkje fekk det med seg ikkje anar kva vi som er blodfans snakkar om. Deira surrealistiske humor var så fjernt frå alle andre sketsjeshow frå over dammen på den tida, at det einaste det kan samanliknast med er Monty Python (så har då også kanadiarar alltid hatt meir til felles med europearar enn med amerikanarar).

No skal dei leggje ut på turné att, og sjølv om det berre er snakk om i Kanada (og moglegeins USA), er eg merkeleg nok skikkeleg entusiastisk (live-DVD, anyone?).

Så la oss ta ein titt på korleis dei planlegg denne comeback-turnéen. Kjenner vi desse karane rett, er det neppe som på skrivemøte for Karl & Co...

Etiketter: Popkult, TV-seriar

06 april, 2008

Slow day

Vore litt oppteken i det siste, men ein eksplosiv avslutning på Torchwood og sesongopnarar for Doctor Who og Battlestar Galactica var to ting som var verdt å merka seg denne helga for dei som er interessert i slikt (dei som ikkje er det, er nok heller interessert i at Brann vart overkøyrd av legolaget Aalesund i helga, men slikt har ingen plass i denne bloggen, så nok om dét).

Så i staden for nyhende denne veka postar eg ein video eg hadde tenkt å poste på St. Patricksdag.

Flogging Mollys og Doctor Who. Ein kombo som gjer MEG tårer i augekroken, i allefall...

Etiketter: Doctor Who, TV-seriar

26 mars, 2008

Popkulturell recap

HER ER NOKRE AV dei viktigaste popkulturelle nyhendene så langt denne veka!

* B-kjendis Craig Bierko fortel Newsweek om kvifor han badar i badekar med John Malkovich.

* New York Magazine har ein artikkel om John Waters!

* Er det sannsynleg med ein Jericho-film etter at serien vart lagt ned igjen? (Cinemablend)

*Ny TV-reklame for Iron Man! (Film School Rejects)

* Lucasfilm går viral med Indiana Jones-marknadføringa. Det betyr sjølvsagt at godtruande nerdar postar reklamen gratis. Erhm, her er den..

* First Showings melder at Sir Ian McKellen definitivt kjem til å spele Gandalf i Hobbiten!

Etiketter: Indyologi, Popkult, Ryktebørs, Teikneseriefilm, TV-seriar, Vås

24 mars, 2008

Doctor Who

ENDELEG HAR BBC GÅTT UT med sendeplan for sesong fire av "Doctor Who", og fleskar til med ny sesongtrailer i tillegg. Den nye serien tek til 5. April, altså om knappe to veker!

Eg innrømmer det - eg er Doctor Who-nerd. Eg elskar den nye serien, og har tilmed fått eit passerbart forhald til den gamle serien, som gjekk frå 1963 til 1989, og er verdas lengstlevande science-fiction serie. Eg vil kanskje gå så langt å seie at "Doctor Who" er favorittserien min - det kjekkaste eg kan sjå på: tøysete, britisk science-fiction, akkurat passeleg lite alvorleg, utan noko fiksfakseri og såpeoperatendensar (les: Battlestar Galactica/Babylon 5/Star Trek).

Så om du ikkje har fått med deg serien om den rare mannen frå verdsrommet som fis rundt i tid og rom i ein liten, blå telefonboks, så har du gått glipp av eit verkeleg underhaldande fenomen (sesong to på NRK3 vart nett ferdig i Februar, men rekne med nok ein runde med reprisar her!).

[EDIT:] Burde kanskje nevnt at den lille fyren på biletet er ein Sontaran, ein kjend arketyp frå den originale serien; her har han tydeleg fått seg ein liten make-over. Og ja, heilt til venstre står Donna (Katherine Tate - "Am I bovvered?") frå "The Runaway Bride"-julespesialen i 2006 som er attende, som den faste kompanjongen denne sesongen (sjå også traileren). Men som de ser av biletet, kjem heldigvis Martha (Freema Agyeman) attende (om enn litt lenger ute i serien), sjølv om ryktene seier at ho har fått seg ein permanent heim i "Torchwood" etter gjestespelet der denne sesongen. Eg drit i kor ho er så lenge eg får sjå henne!

For resten av oss, her er den nye sesong 4-traileren, pluss tre teasers:

Etiketter: Doctor Who, Popkult, TV-seriar

Free to those that can afford it, very expensive to those that can't.

lenker:

tidlegare postar:

arkiv:

24 januar, 2009

Monty Python tener fett på å vere gratis

22 januar, 2009

Fleire castingnyhende frå Doctor Who - Michelle Ryan bekrefta

03 januar, 2009

Mr Smith er den ellevte Doktoren!

14 november, 2008

Klonane reddar æra

05 november, 2008

Doctor Who eller Doktor Ut?

26 juli, 2008

David Warner, Doctor Who, Captain America - samanheng?

21 juli, 2008

Grand Moff dumpar belgisk journalist for heit affære med ukjent doktor!

20 mai, 2008

Meir OMFG! Moffat tek over Doctor Who!

15 april, 2008

Kids in the Hall vender attende!

06 april, 2008

Slow day

26 mars, 2008

Popkulturell recap

24 mars, 2008

Doctor Who