Gratulerer med overstått!
Tintin feira 80 år i går, 10. jaunar. Beklagar at eg gløymde deg, gamle ørn, du var ein fundamental del av min barndom og oppvekst, og eg kosar meg framleis med albuma dine den dag i dag. Gratulerer med overstått!Det hadde sikkert vore artigare å feira kaptein Haddock sin bursdag - då hadde det i det minste blitt nokre rundar Loch Lomond, men Tintin er stort sett heilt avhalds. Til og med Sprint og Lucky Luke har teke seg ein tår i blant, for ikkje å snakka om Asterix (ingen veit kva ingrediensane i styrkedrikken er, men eg mistenkjer fleinsopp som ein integral del).
I andre Tintin-nyhende har de kanskje alt høyrd at Nick Frost og Simon Pegg teke rollane som Dupont og Dupond i Spielberg/Jackson-filmatiseringa av Tintin. Thomas Sangster har i følge rykta droppa ut frå tittelrolla, som for augneblinken skal vera open. Vi følgjer sjølvsagt utviklinga.
Etiketter: Ryktebørs, Teikneseriar
posted by Jack B. Quick @ 14:35
2 Comments:
Og eg som trudde Rod Stewart (mannen med den ekle føflekken) var den mest kjende personen med same bursdag som meg. Så feil kan ein altså ta.
Ja der kan ein sjå!
Sjølv delar eg med Jean Claude Van Damme, Lee Harvey Oswald, og George C. Scott.
Legg inn en kommentar
<< Home